SPAK lëshon urdhër- arreste për disa ish- zyrtarë të lartë të Bashkisë Durrës. Rtsh-24 mëson se SPAK i akuzon ata për "korrupsion dhe shpërdorim detyre".
Mes emrave për të cilët janë lëshuar urdhër- arrestet është edhe i ish- kryebashkiakut të Durrësit, Vangjush Dako. Ai akuzohet për shpërdorim detyre për një leje ndërtimi të dhënë 11 vite më parë.
Ish -kryebashkiaku Dako është shpallur "non-grata" nga SHBA, me akuzën për "përfshirje në raste të mëdha korrupsioni.”
Përveç Dakos, Prokuroria e Posaçme ka kërkuar arrestimin edhe të 4 ish- zyrtarëve të Drejtorisë së urbanistikës së Bashkisë së Durrësit, përfshirë ish- Drejtorin Adhurim Qehajaj, si dhe pronarin e një kompanie ndërtimi, Fiqiri Farku dhe inxhinieren e kompanisë. “Arrest në shtëpi”, është kërkuar për tre ish- punonjëse të Bashkisë së Durrësit.
Ende nuk bëhen të ditura detaje nga ky operacion, pasi ai është ende në zhvillim e sipër.
/rtsh.al/
