Në vendin tonë rriten shumë lloje, forma apo hibride shegësh, të cilët kanë emërtime të ndryshme sipas zonave ku ato kultivohen.
Ne Shkodër veçohet shega Devedishe dhe ajo e Tivarit.
Enver Halili, fermer në zonën e Anës së Malit në Shkodër, disa hektarë tokë të mbjella, kryesisht me shege të cilat i tregton pjesën më të madhe të tyre në Tiranë.
Enveri tregon se, kanë zgjedhur te kultivoje shegë pasi toka e kësaj zone është e përshtatshme për rritjen e këtij fruti.
Me këtë punë, ai mundohet ҫdo ditë të plotësojë nevojat e familjes por thotë se vështirësitë me të cilat përballet janë të mëdha.
Thuajse çdo vit njësia administrative e Anës së Malit feston festën e Shegës një aktivitet qe organizohet nga vetë banoret e zonës, ku promovohen vlerat dhe resurset të trashëgimisë kulturore, natyrore dhe produkteve të zonës.
Ndërsa elementi me përfaqësues i këtyre vlerave është shega e cila është karakteristikë e kësaj zone.
Gazetar: L. Kadija
/rtsh.al/
