Zëdhënësi i Departamentit të Shtetit, Vedant Patel ka deklaruar se SHBA-ja nuk dëshiron ta shohë Hamasin të jetë autoriteti qeverisës në Gazë.
“E kemi qenë shumë të qartë gjithashtu se nuk duam ta shohim më Hamasin në krye të Gazës”, tha Patel, duke folur me gazetarët.
Këtë qëndrim e shprehu Sekretari Amerikan i Shtetit, Antony Blinken, vjeshtën e kaluar kur fliste për “disa parime që Shtetet e Bashkuara i shohin si jo-fillestare kur flasim për të nesërmen e përfundimit të këtij konflikti”, tha Patel.
Ndwrkaq, nga ana tjetwr, presidenti i Turqisw, Erdogan ka deklaruar se asnjw vend nuk ndihet i sigurt pwrfshirw edhe shtetin e tij pwr sa kohw sipas tij agresioni izraelit nuk po ndalet.
“Asnjë shtet në rajonin tonë, përfshirë Turqinë, nuk mund të ndihet i sigurt për sa kohë që agresioni izraelit nën administrimin e Netanjahut nuk ndalet”, tha Erdogan pas një takimi të kabinetit sot në Ankara.
Ai vazhdoi të komentojë politikën e jashtme të Turqisë, duke thënë: “Ne nuk do të hezitojmë të takohemi me këdo që është e nevojshme”.
/rtsh.al/