Gjatë një aksioni në Vaun e Dejës janë sekuestruar 120 kilogramë bimë kanabis në proces tharje. Pas informacioneve të marra në fshatin Karmë në vendin e quajtur “Shpati i malit” janë gjetur bimë kanabis që ishin në proces tharje.
Një pjesë e lëndës narkotike u sekuestrua në cilësinë e provës materiale, ndërsa pjesa tjetër u asgjësua në vendngjarje, me anë të djegies.
Vijon puna për identifikimin, kapjen dhe nxjerrjen përpara përgjegjësisë penale, të shtetasve të implikuar në këtë veprimtari kriminale.
Materialet procedurale i kaluan Prokurorisë, për veprime të mëtejshme.
/rtsh.al/