Shkencëtarët kanë zhvilluar një çip truri që është më i hollë se flokët e njeriut dhe do t'ju lejojë të përdorni mediat sociale me mendjen tuaj. Çipi eksperimental është projektuar për pacientët e paralizuar ose memec, njerëz me paralizë, të cilët nuk mund të përdorin gjymtyrët e tyre për të komunikuar përmes një kompjuteri. Por gjithashtu mund të lejojë njerëzit e shëndetshëm të përdorin mediat sociale vetëm me fuqinë e mendjes së tyre.
Ai ndryshon nga çipi i krijuar nga kompania e Elon Musk sepse procedura është më pak invazive dhe qëndron në sipërfaqen e trurit dhe jo në inde.
Çipi, i quajtur Ndërfaqja Kortikale e Shtresës 7, është një rrip materiali fleksibël. Shiriti ka elektroda dhe ka një trashësi sa një e pesta e qimeve të njeriut, gjë që e ndihmon atë të përshtatet me sipërfaqen e trurit pa dëmtuar asnjë ind.
Për të implantuar pajisjen, kirurgët bëjnë një të çarë shumë të hollë në kokë. Pajisja funksionon duke mbledhur sinjalet e trurit dhe duke i interpretuar ato në komanda në një makinë të lidhur në varësi të sinjalit të trurit të marrë.
Për shkak se shkencëtarët mund të rrisin lehtësisht numrin e elektrodave në shirit, ai mund të përdoret për të trajtuar kushte të tjera neurologjike. Implantimi është gjithashtu i kthyeshëm nëse pacientët ndryshojnë mendje.
Pajisja ka deshifruar me sukses sinjalet e trurit te kafshët dhe “Precision” shpreson të marrë miratimin e FDA për të testuar implantin te njerëzit në muajt e ardhshëm.
/rtsh.al/
