Kryeministri Benjamin Netanjahu po zhvillon aktualisht konsultime me ekipin negociator të pengjeve të Izraelit dhe me anëtarët e institucionit të sigurisë së Izraelit në përpjekje për të finalizuar marrëveshjen me Hamasin.
Zyra e tij u ka dërguar një përditësim familjeve të pengjeve, duke thënë se bisedimet në Doha janë duke vazhduar dhe se palët po diskutojnë detajet përfundimtare për arritjen e një marrëveshjeje.
Negociatat do të vazhdojnë gjatë gjithë natës, thotë zyra e Netanjahut, duke shtuar se ata do të përditësojnë familjet e pengjeve sa më shpejt që të munden.
Nga ana tjetër, presidenti në detyrë i SHBA-ve, negociatat dhe afrimi drejt një marrëveshje do të ishte e pamundur pa Egjiptin.
Gjatë bisedës së tyre telefonike më herët, presidenti amerikan Joe Biden i tha presidentit egjiptian Abdel-Fattah el-Sissi se "kjo marrëveshje nuk do të ishte e mundur kurrë pa rolin thelbësor dhe historik të Egjiptit në Lindjen e Mesme dhe angazhimin ndaj diplomacisë për zgjidhjen e konflikteve".
Deklarata duket se synon të qetësojë tensionet, në dritën e raporteve për zhgënjimin e Egjiptit për anashkalimin në bisedimet e pengjeve që po zhvillohen në Katar.
“Të dy udhëheqësit u zotuan të qëndrojnë në koordinim të ngushtë drejtpërdrejt dhe përmes ekipeve të tyre gjatë orëve në vijim,” thuhet në deklaratë.
/rtsh.al/
