Monika Kryemadhi është rizgjedhur në krye të Lëvizjes Socialiste për Integrim pas votimeve që u zhvilluan ditën e shtunë nga anëtarët e kësaj partie.
Silva Caka, Kryetarja e Komisionit të Zgjedhjeve në LSI, tha se Monika Kryemadhi u konfirmua me 42 807 vota pro nga 44 413 vota që ishin gjithsej .
Në zgjedhjet për delegatët e Konventës Kombëtare dhe Kryetarin e LSI, morën pjesë 80.7% e anëtarësisë.
Votimet ishin online dhe në qendra votimi ku sipas të dhënave 28.285 anëtarë të LSI votuan fizikisht dhe mbi 16.128 anëtarë votuan online.