Mijëra demonstrues pro-palestinezë kanë marshuar edhe sërish në qendër të Londrës në shenjë proteste ndaj konfliktit të vazhdueshëm midis Izraelit dhe Hamasit.
Aktivistët u nisën nga Circus Piccadilly pas orës 13:30 të së shtunës, përmes një marshimi që kalonte përgjatë Hyde Park përpara se të përfundonte në Kensington Road.
Protestuesit mbanin pankarta ku shkruhej “Stop koalicionit të luftës”.
Marshimi u ndal për pak kohë kur të paktën dy kundër-protestues, duke përfshirë një që mbante një tabelë ku shkruhej “Hamasi është terrorist”, bllokuan demonstruesit jashtë hotelit Park Lane pranë Green Park.
Dy burra u arrestuan nga policia pas një përleshje të konsiderueshme.
Kjo është protesta e 18-të e organizuar nga Fushata e Solidaritetit të Palestinës (PSC) që nga fillimi i konfliktit tetorin e kaluar.
Policia Metropolitane kishte vendosur një sërë kushtesh për ngjarjen, duke përfshirë që demonstrata duhet të përfundonte deri në orën 17:00.
“Një tjetër ngjarje që ishte planifikuar të zhvillohej në rrugën e synuar për marshimin u anulua”, thanë forcat policore.
Demonstrata vjen pasi zyrtarë të lartë të MI6 dhe CIA thanë në një deklaratë të rrallë publike se ata ishin së bashku “duke punuar pandërprerë” për një armëpushim dhe marrëveshje pengjesh në Gazë dhe se “kishin shfrytëzuar kanalet e tyre të inteligjencës për të nxitur vetëpërmbajtje dhe shmangur përshkallëzimin në Lindjen e Mesme.
/ rtsh.al /
