Kryetarja në Detyrë e Prezencës së OSBE-së, Clarisse Pasztory ka zhvilluar të premten një takim me kryetarin e Partisë së Lirisë, Ilir Meta ku në fokus ka qenë reforma zgjedhore dhe drejtësia.
Lajmi është bërë i ditur nëpërmjet një postimi në platformat sociale nga vetë kryetarja në Detyrë e Prezencës së OSBE-së, Clarisse Pasztory.
“U takova me kryetarin e Partisë së Lirisë, Ilir Meta dhe ekipin e tij, sot, për të diskutuar përparësitë e reformës zgjedhore, duke përfunduar kështu raundin e takimeve të mia me partitë politike për këtë temë. Gjithashtu, e përdora këtë mundësi për të adresuar komentet e kohëve të fundit lidhur me gjyqësorin në Shqipëri. Shpreha mbështetjen e plotë, timen dhe të Prezencës së OSBE-së, për SPAK-un. Gjyqësori është i pavarur dhe nuk merr urdhra nga askush”, shkruan Pasztory.
/rtsh.al/