Kryepeshkopi i Shqipërisë, Anastas Janullatos është dërguar për mjekim të specializuar në Athinë, për shkak të problemeve shëndetësore.
Sipas mediave greke, Kryepeshkopi i Shqipërisë është dërguar në Athinë me një avion të Forcave Ajrore, i shoqëruar nga një ekip mjekësh.
Kryepeshkopi Anastas Janullatos u shtrua në një spital privat në Shqipëri më 30 dhjetor, për shkak të një virozë sezonale.
Edhe pse fillimisht u njoftua se gjendja e tij shëndetësore ishte e qëndrueshme, u gjykua e nevojshme transferimi i tij në një spital në Athinë.
/rtsh.al/
