Është mbajtur pasditen e djeshme në teatrin “Andon Zako Çajupi” koncerti i parë koral me pjesëmarrjen e gjimnazistëve të qytetit të Korçës, nën drejtimin e Bledi Polenës. Një kartolinë e bukur e festave të fundvitit me kompozime të njohura të Krishtlindjes, të cilat u interpretuan me mjeshtëri nga kori i të rinjve.
“Është super lajmë për qytetin, për kulturën aq më tepër për Korçën që është një ndër qytetet e kulturës. Do të kisha shumë dëshirë që kjo të vazhdojë dhe të bëhet një traditë e shtuar për qytetin tonë”, u shpreh Drejtuesi koral, Bledi Polena.
Koncerti i parë koral i të rinjve të qytetit, u pasua me një performancë të veçantë edhe në Sheshin para Katedrales.
Ky koncert erdhi si një kartolinë e mrekullueshme urimi, me këngët më të veçanta të Krishtlindjes, që emocionuan të pranishmit, duke sjellë një atmosferë gëzimi në këtë periudhë festive të fundvitit.
Gazetare Eftjola Fili
/RTSH/
