Agjencia suedeze e inteligjencës ka deklaruar se Irani mund të jetë përfshirë në shpërthime dhe të shtëna me armë rreth ambasadave izraelite në Suedi dhe Danimarkë këtë javë.
Në Danimarkë, policia tha se arrestoi tre shtetas suedezë pas dy shpërthimeve, të shkaktuara me gjasë nga granata dore, pranë ambasadës izraelite në Kopenhagën.
Sipas policisë suedeze, të martën, ambasada izraelite në Stokholm ishte shënjestër e të shtënave. I pyetur për raportet e lidhjeve me Iranin, Fredrik Hallstrom, kreu i operacioneve në agjencinë e inteligjencës suedeze, thotë në një konferencë shtypi se "ka disa të dhëna që mund të çojnë në atë drejtim".
Transmetuesi suedez SVT raportoi të mërkurën se kishte marrë informacion se dy sulmet e fundit të ambasadave ishin urdhëruar nga rrjeti kriminal suedez Foxtrot - me urdhër të Iranit.
/rtsh.al/
