Një 29-vjeçar i dënuar për 5 vepra të rënda penale është arrestuar falë shkëmbimit të Interpol Tiranës dhe Interpol Romës.
Policia e Shtetit bën me dije se 29-vjeçari ishte dënuar në 19 tetor të 2023-shit me mbi 10 vite burg për tentativë për vrasje, armëmbajtje pa leje, vjedhje me pasoja të rënda, vjedhje me dhunë dhe për posedim sendesh të vjedhura.
29-vjeçari Alfons Cani është arrestuar provizorisht, pasi do të ekstradohet në Itali.
“Në kuadër të megaoperacionit “Sundimi i ligjit” dhe si rezultat i shkëmbimit të informacioneve ndërmjet Interpol Tiranës dhe Interpol Romës, u kap dhe u arrestua provizorisht, për t’u ekstraduar në Itali, shtetasi shqiptar, i shpallur në kërkim ndërkombëtar Alfons Taraj alias Afons Bibaj alias Alfons Cani,29 vjeç, lindur në Mamurras.
Gjykata e Monzas, Itali, me vendimin e datës 19.10.2023, e ka denuar këtë shtetas, me 10 vjet, 2 muaj e 11 ditë burgim, për tentativë për vrasje, armëmbajtje pa leje, vjedhje me pasoja të rënda, vjedhje me dhunë dhe për posedim sendesh të vjedhura”, thuhet në njoftim.
/rtsh.al/
