Ministri i Migracionit i Greqisë, Nikos Panagiotopoulos është shprehur se Bashkimi Evropian është i gatshëm të marrë masa më të rrepta për migracionin, me fokus në deportimet e zgjeruara, por se nuk do të miratojë metodat e përdorura nga administrata Trump.
“Dërgimi prapa i migrantëve në pranga me avionë ushtarakë është shumë ndryshe nga përdorimi i fluturimeve të rregullta. Migrimi ka përparuar nga një çështje humanitare në një çështje thelbësore të sigurisë”, tha Panagiotopoulos.
Greqia është një pikë kyçe hyrëse për migrimin e parregullt, veçanërisht ata që ikin nga luftërat ose kërkojnë një jetë më të mirë. Vitin e kaluar, ajo regjistroi një rritje të mbërritjeve nga deti, e nxitur nga luftërat në Lindjen e Mesme.
Që nga marrja e detyrës, Presidenti amerikan, Donald Trump ka marrë një qasje dukshëm më të ashpër ndaj imigracionit, duke kufizuar aksesin për azil, duke dërguar trupa në kufirin SHBA-Meksikë dhe duke rritur sulmet e imigracionit dhe dëbimet e shpejta.
Të enjten, ministrat e BE-së për migrim do të takohen në Varshavë për të shqyrtuar përpjekjet kundër migrimit.
/rtsh.al/
