Në qytetin e Lushnjës qindra fëmijë u mblodhën në shesh për të festuar Festën e Verës. Karnavalet dhe koncerti i organizuar nga qendra kulturore, përcollën gëzim dhe hare mes fëmijëve. Shfaqja e Karnaveleve nisi me një marshim të shkollave pjesëmarrëse të qytetit të cilët u ndoqën me kërshëri nga kalimtarët.
“Kemi organizuar një koncert festiv me rastin e Ditës së Verës, bëmë parakalimin e Karnavale i cili bëhet çdo vit dhe do vazhdojmë me koncertin”, tha Sajmir Brahja, Përgjegjës i QKF.
Ndezja e zjarreve në mbrëmje që simbolizojnë largimin e dimrit dhe ardhjen e pranverës shënon mbylljen e festimeve për ditën e verës në Lushnjë.
Edhe qyteti i Fierit ka festuar Ditën e Verës. Në sheshin qendror është organizuar "Festa e luleve", një manifestim muzikor i mbi 300 fëmijëve të kopshteve publike të qytetit.
/rtsh.al/
