Ashtu si arsyet për të pirë janë shumë të ndryshme, po ashtu janë edhe efektet që ajo ka në shëndetin tonë. Me efekte pozitive dhe negative, ka shumë gjëra rreth kësaj substance popullore që mund të mos i dini.
Alkooli përpunohet për një orë -Trupit të njeriut i duhet vetëm një orë për të përpunuar një pije të përmasave standarde. Pra, imagjinoni se çfarë i bën trupit tuaj pirja e dy ose tre pijeve gjatë të njëjtit hark kohor.
Ai nxit dopaminën - Në tru, alkooli shkakton lirimin e dopaminës, një neurotransmetues që lidhet me kënaqësinë. Kjo shpjegon pse njerëzit bëhen kaq të lumtur pas një ose dy gotash.
Pirja e tepërt - Për gratë, katër ose më shumë pije në dy orë konsiderohen pirje e tepruar. Për meshkujt, janë pesë ose më shumë pije në dy orë. Disa efekte negative përfshijnë çështjet e ankthit dhe një rrezik në rritje të kancerit të gjirit.
Alkooli demton qelizat e trurit - Pirja e një ose dy kanaçeve çdo natë mund të kontribuojë në humbjen e kujtesës dhe tkurrjen e trurit. Kjo është edhe arsyeja pse ngadalëson aktivitetin në tru.
Alkooli dhe ndikimi në muskuj -Muskujt thithin alkoolin më shpejt se yndyrat. Kjo do të thotë që njerëzit që kanë më shumë muskuj dhe më pak yndyrë trupore kanë një tolerancë më të lartë ndaj alkoolit.
Pirja e verës së kuqe me moderim besohet se është e mirë për zemrën - Vera e kuqe përmban resveratrol, një substancë që ndihmon në kontrollin e kolesterolit, parandalon dëmtimin e enëve të gjakut dhe ndalon mpiksjen e gjakut.
Një efekt i ndryshëm tek burrat dhe gratë - Alkooli ka pasoja të ndryshme shëndetësore për burrat dhe gratë. Burrat kanë më shumë gjasa të pinë alkool sesa gratë, por pirja afatgjatë ka më shumë gjasa të ketë pasoja më të këqija shëndetësore për gratë sesa burrat.
Efektet e alkoolit - Pijet alkoolike në fakt përmbajnë etanol, ose alkool etilik. Është i vetmi lloj alkooli që mund të pini që nuk shkakton dëme serioze në trupin tuaj. Efektet e alkoolit ndodhin kur etanoli hyn në qarkullimin e gjakut dhe kalon nëpër qelizat e trurit, zemrës dhe organeve të tjera.
Alkooli qëndron në gjak deri në 12 orë - Sa herë që zgjoheni, ndoshta duhet të shmangni drejtimin e makinës nëse keni pirë disa gota verë para gjumit, pasi alkooli do të jetë ende në qarkullimin e gjakut.
Shumë pije alkoolike është e keqe për zemrën - Pirja e pijeve disa herë në javë mund të rrisë rrezikun e zhvillimit të fibrilacionit atrial, një gjendje që mund të çojë në sulm në zemër dhe goditje në tru.
Konsumimi i alkoolit është një aktivitet i lashtë - Mbetjet e një pije alkoolike që datojnë nga 7000 deri në 6600 pes u gjetën në Kinë.
/rtsh.al/
