Kryeministri i Greqisë Kyriakos Mitsotakis dhe Presidenti turk Rexhep Taip Erdogan do të takohen së bashku më 13 Maj në Ankara.
Lajmi është konfirmuar nga vetë Kryeministri i Greqisë, i cili do të vizitojë Turqinë. Disa muaj më parë, ishte Erdogan që u prit në Athinë në një vizitë zyrtare nga Mitsotakis.
“Data e takimit të tij me presidentin turk Tajip Erdogan është konfirmuar nga Kyriakos Mitsotakis në deklaratat e tij nga Samiti në Bruksel. Siç tha ai do të takohet me Recep Tayyip Erdogan më 13 maj”u shpreh kryeministri Mitsotakis .
Takimet mes dy liderëve janë në vazhdën e axhendës për të përmirësuar marrëdhëniet e tendosura mes Greqisë dhe Turqisë për ishujt detarë.
Një shembull i përpjekjeve për të ulur tensionet është edhe vendimi i fundit i Greqisë, që do t’i lejojë turistët turq të vizitojnë ishujt grekë përmes një vize të posaçme dhe të shpejtë, që do të ketë vlerë vetëm brenda për brenda Greqisë, dhe jo për të udhëtuar në vendet e tjera të BE-së.
/rtsh.al/
