Deputeti i PD-së Luan Baçi, në emisionin ‘3D nga Alban Dudushi’ në RTSH deklaroi se Ervin Salianji u dënua për fjalën e lirë. Sipas tij, kjo është një përpjekje e Ramës për të zhdukur opozitën dhe fjalën e lirë.
“Do vazhdojmë aksionin si opozitë. Kur ka marrëveshje dhe konsensus ne jemi pro. Kemi energji me shumicë si opozitë. Ka ditë që edhe në protestat që bëhen poshtë Berishës, çdo herë ka pika të programit që shpalosen. Zgjedhësit dhe mbështetësit nuk janë vetëm ata që rrinë aty poshtë, por që janë në të gjithë Shqipërinë. Paralelisht me aksionin opozitar do të shpaloset edhe programi i PD. Janë lëvizje të detyrueshme protestat. Na e imponon mazhoranca. Godet opozitën. Nuk është vetëm çështja Salianji. Ai nuk ka vjedhur, nuk ka bërë kallëzim të rremë. Ka bërë denoncim publik. Dënimi i tij është për fjalën e lirë. Mund të isha dhe unë në vend të Salianjit.”, tha Baçi.
/rtsh.al/
