Dhimbja e gjurit, ndryshe nga sa mund të mendohet, nuk është çështje moshe. Sigurisht, vitet përfshijnë një rritje të dukshme të sëmundjeve fizike, por dhimbja specifike e gjurit prek të rinjtë dhe të moshuarit.
Shkaqet mund të jenë nga më të ndryshmet, nga një goditje e thjeshtë te ulja e kërcit deri tek inflamacioni i indeve.
Për më tepër, dhimbja ndihet më shumë kur qëndroni në këmbë sesa kur pushoni, uleni ose shtriheni.
Natyrisht gjëja e parë që duhet të bëni është të konsultoheni me një mjek në rast të dhimbjeve kronike, por në përgjithësi edhe disa këshilla mund të jenë ende të dobishme.
Për më tepër, testet instrumentale mund të tregojnë më mirë shkaqet e kësaj dhimbjeje dhe mund t'ju ndihmojnë në fazën e analizës dhe terapeutike.
Shkaqet e dhimbjes së gjurit
Është e pamundur të renditen të gjitha shkaqet e një dhimbjeje të mundshme të gjurit kur ngriheni nga shtrati ose karrigia. Më të zakonshmet janë një shtrembërim i kupës e gjurit, te femrat, tendiniti (inflamacion i tendinëve), bursiti (inflamacion i qeses sinoviale, i vendosur pranë kyçit), konsumimi i kërcit (për shkak të moshës ose aktivitetit intensiv, sportet, apo edhe pesha).
Qëndrimi kur jeni ulur është shumë i rëndësishëm
Mënyra se si uleni ka një ndikim të madh në çdo dhimbje fizike që mund të keni gjatë viteve. Kryqëzimi i këmbëve, është një pozicion aspak i mirë dhe favorizon dhimbjet kronike në gjunjë, pasi shkakton një përdredhje të panatyrshme të gjymtyrëve. Ortopedët zakonisht rekomandojnë të uleni në mënyrën më të thjeshtë të mundshme.
Shmangni të mbështeteni në thembra
Nëse keni gjunjë të ënjtur, shmangni qëndrimin e pozicioneve të caktuara, si për shembull qëndrimi në taka për orë të gjata. Ky pozicion shkakton dhimbje të mëdha në kyç, dhe është veçanërisht i dhimbshëm.
Forconi muskujt
Një nga muskujt më të rëndësishëm për stabilitetin e gjurit është vastus medialis. Ky është muskuli i mesëm i grupit kuadriceps, ai që shtrihet përgjatë mesit të kofshës. Një muskul më i fortë mbështet më mirë gjurin dhe strukturat kockore përreth. Një aktivitet i mirë fizik, i kuptuar si një stërvitje serioze e kuadricepsit, shmang në mënyrë të rëndësishme shfaqjen e dhimbjes së gjurit në moshën madhore.
Mbajtja e një mbështjellëse ndihmon për të luftuar dhimbjen
Për aktivitetet e përditshme, ndërsa jeni jashtë, mund t’ju vij në ndihmë mbajtësja sportive për gjurin. Këto veshje speciale ndihmojnë për ta shtyrë përkohësisht kapakun e gjurit në pozicionin e duhur. Shtrembërimi i gjurit është një nga shkaqet kryesore të dhimbjes së tij, dhe për këtë arsye ky mbajtës mund t’ju ndihmojë edhe kur ngriheni.
/rtsh.al/
