Më 27 tetor Bullgaria do të zhvillojë zgjedhjet e parakoshme të shtatat në katër vite. Kjo, pasi koalicionet kanë dështuar sërish.
Tashmë partitë politike të vogla po luftojnë për të formuar një koalicion të qëndrueshëm.
Kujtojmë se protestat kundër korrupsionit në 2020-ën, ndihmuan në rrëzimin e koalicionit të udhëhequr nga partia e qendrës së djathtë GERB.
Ndërkohë sipas exit poll-eve pjesëmarrja në votime pritet të jetë 30%, më e ulëta nga rënia e komunizmit, ndërsa nuk rezultoi asnjë opsion i qartë mbi ndonjë koalicion fitues..
Votimi do të përfundojë në orën 20:00 (1800 GMT).
"Ka një krizë të thellë të sistemit politik," tha Ognyan Minçev, profesor i shkencave politike në Universitetin e Sofjes.
Mosfunksionimi është shqetësues për Bullgarinë, një vend ballkanik me 6.4 milionë banorë që kufizohet me Detin e Zi.
Pranimi i saj në BE në vitin 2007 solli një periudhë optimizmi të shënuar nga rritja e standardeve të jetesës dhe rritja e shpejtë ekonomike. Por kriza globale financiare, COVID dhe lufta në Ukrainë kanë dëmtuar investimet e huaja.
Tani, ajo ka nevojë urgjente për një periudhë qeverisjeje të qëndrueshme për të përshpejtuar rrjedhën e fondeve të BE-së në infrastrukturën e saj rrënqethëse dhe për ta shtyrë atë drejt bashkimit me euron.
Presidenti Rumen Radev i dha GERB-it një mandat për të formuar një qeveri pas zgjedhjeve të fundit në qershor, në të cilat partia fitoi më shumë vota dhe siguroi 68 vende në parlamentin prej 240 vendesh.
/rtsh.al/
