Presidenti amerikan në detyrë Joe Biden ka zhvilluar një telefonatë me presidentin francez Emanuel Macron ku kanë diskutuar për një sërë zhvillimesh në rang global dhe dypalëshe.
Biden dhe Macron kanë diskutuar mbi zhvillimet në Ukrainë dhe në Lindjen e Mesme. Të dy liderët kanë biseduar mbi përpjekjet për të siguruar një marrëveshje armëpushimi në Liban që do t'i lejojë banorët në të dy anët e Linjës Blu të kthehen të sigurt në shtëpitë e tyre.
Biden dhe Macron u zotuan të qëndrojnë në konsultim të ngushtë drejtpërdrejt dhe përmes ekipeve të tyre të sigurisë kombëtare për zhvillimet në rang global.
“Presidenti Biden foli sot me Presidentin Macron të Francës për një sërë çështjesh globale dhe dypalëshe. Ata shqyrtuan zhvillimet në Ukrainë si dhe në Lindjen e Mesme, për të përfshirë përpjekjet për të siguruar një marrëveshje armëpushimi në Liban që do t'i lejojë banorët në të dy anët e Linjës Blu të kthehen të sigurt në shtëpitë e tyre. Ata u zotuan të qëndrojnë në konsultim të ngushtë drejtpërdrejt dhe përmes ekipeve të tyre të sigurisë kombëtare”, thuhet në njoftimin e Shtëpisë së Bardhë.
/rtsh.al/
