Bashkimi Evropian do t’i dërgojë Ukrainës 1,5 miliardë euro ndihmë, të financuara nga të ardhurat nga asetet ruse të ngrira në BE, për t’u shpenzuar për mbrojtjen dhe rindërtimin, njoftoi presidentja e Komisionit Evropian Ursula von der Leyen.
Transferimi është i pari i këtij lloji sipas skemës së re bazuar në asetet e pamobilizuara të Rusisë, të vlerësuara në vlerë prej 210 miliardë euro në të gjithë bllokun.
Nëntëdhjetë për qind e ndihmës financiare do të ndihmojë Kievin të blejë më shumë armë, municione dhe sisteme të mbrojtjes ajrore, të cilat vendit i duhen urgjentisht për të zmbrapsur përparimet e trupave pushtuese në lindje. Pjesa e mbetur prej 10% do të kontribuojë në përpjekjet e rindërtimit, veçanërisht infrastrukturën energjetike, e dëmtuar rëndë nga sulmet e pamëshirshme ruse.
Brukseli shqetësohet se shkatërrimi i gjerë i rrjetit energjetik të Ukrainës mund të shkaktojë një krizë humanitare dhe një eksod të ri migracioni në dimër.
/rtsh.al/
