Ndaj bashkëshortes së kryeministrit spanjoll Pedro Sancez është hapur një hetim paraprak pasi ajo dyshohet për ushtrim ndikimi dhe korrupsion. Në një deklaratë të shkurtër, gjykata e Madridit që ka urdhëruar nisjen e hetimit bëri të ditur se hetimi ndaj Begona Gomez kishte filluar në datën 16 prill por ndërkohë ai ishte subjekt i një urdhri për mospublikim e detajeve të tij.
Disa orë para kësaj deklarate El Confidencial publikoi një lajm ky shkruhej se hetuesit kishin përqendruar punën e tyre tek lidhjet e Gomez me disa kompani private të cilat kishin përfituar fonde dhe kontrata publike nga qeveria. Në qendër të hetimit janë lidhjet e pretenduara të Gomez me grupin turistik spanjoll globalia që zotëron Air Europa.
Ushtrimi I ndikimit të gruas së kryeministres raportohet të ketë filluar kur kjo kompani ajrore ishte në bisedime me qeverinë për sigurimin e një fondi për nxjerrjen e saj nga kriza për shkak të humbjeve gjatë pandemisë së covid-19.
Në atë kohë, Gomez drejtonte një fondacion që kishte lidhje me një shkollë biznesi, një pozicion të cilin e mbajti deri në 2022-itn. Raportohet se fondacioni që drejtonte Gomez në 2020-ën pati nënshkruar një marrëveshje sponsorizimi me Globalia-n dhe se bashkëshortja e kryeministrit ishte takuar privatisht me drejtorin ekzekutiv të kompanisë në zyrat e kësaj të fundit.
Në atë kohë Globalia po negocionte për kredinë për nxjerrjen nga kriza. Në nëntor të 2020-ës, qeveria e Sanchez i mundësoi Air Europas, nën pronësi të Globalias, një paketë shpëtimi me vlerën e 475 milionë eurove.
/RTSH/
