Mund të bëjë art, të shkruajë ese dhe madje të luajë shah, por tani, Inteligjenca Artificiale (AI) do të provojë diçka të re, të ofrojë këshilla ligjore. Muajin tjetër, një AI do të hyjë në sallën e gjyqit për të ndihmuar dy të pandehur.
Në një skemë të parë të këtij lloji, Inteligjenca Artificiale (AI) do t'u tregojë të pandehurve se si t'i përgjigjen gjyqtarit në kohë reale duke përdorur një kufje të aktivizuar me Bluetooth, thotë Matthew Sparkes për New Scientist.
Avokati robot i DoNotPay do të marrë audio të procesit gjyqësor dhe më pas do të përgjigjet me argumente ligjore. Të pandehurit ranë dakord t'i përsërisin gjyqtarit saktësisht atë që do të thotë chatbot.
Teknologjia GPT, e cila do të thotë "Transformator i para-trajnuar gjenerues", u bë kryefjalë kohët e fundit me lëshimin e botit ChatGPT të OpenAI. Këta robotë mund të "mësojnë të modelojnë marrëdhëniet midis fjalëve pasi janë trajnuar në faqet e internetit".
/rtsh.al/
