Kryeministri Edi Rama ka nisur takimet e tij në Athinë me ministrin e jashtëm të Greqisë, Nikos Dendias. Zoti Dendias përmes një postimi në Twitter, sjell detaje nga takimi. “Me kryeministrin e Shqipërisë Edi Rama ne diskutuam marrëdhëniet bilaterale, perspektivën evropiane të Shqipërisë dhe zhvillimet më të fundit në rajon”, shkruan ministri i jashtëm grek.
Me interes pritet takimi i zotit Rama me kryeministrin Mitsotakis. Mësohet Greqia do të mbështesi Shqipërinë me një sasi vaksinash. Bisedimet do të fokusohen tek lufta kundër covid 19 dhe bashkëpunimi strategjik mes dy vendeve tona. Vec luftës anti-covid, edhe marredheniet mes dy vendeve, të mbetura të hapura pas delegimit të çështjes së detit në Gjykatën e Hagës do të jenë pjesë e diskutimeve.
Partneriteti strategjik mes dy vendeve dhe traktati i ri i miqësisë mes vendeve tona do të jetë një tjetër cështje që do të jetë pjesë e bisedimeve, ku pala greke parashikon edhe heqjen e ligjit të luftës. Tirana zyrtare beson se pikërisht heqja e ligjit të luftës,do të çlirojë shumë energji pozitive në këto marrëdhënie.
Në vazhdim Rama do të drekojë me homologun e tij Mitsotakis,ku sipas burimeve të sigurta pranë palës greke,do t’i dërgojë këtij të fundit një mesazh nga presidenti turk Erdogan.
