Mesfushori gjerman Atakan Karazor i skuadrës së Shtutgartit është arrestuar gjatë pushimeve në Ibiza, pasi akuzohet për përdhunimin e një 18-vjeçareje.
Lajmi u konfirmua edhe nga vetë klubi i Bundesligës, ku tha se “Karazor mohon çdo vepër penale. Avokatët po ndjekin ngjarjen dhe janë në kontakt të vazhdueshëm”.
25-vjeçari Atakan Karazor ndodhet në paraburgim në Ibiza së bashku me një tjetër bashkëmoshatar të tij, të cilët akuzohen për abuzim seksual me një 18-vjeçare.
Ata ishin me pushime, por janë arrestuar nga policia pas denoncimit të tyre nga e reja, e cila është dërguar në spital për trajtim të nevojshëm mjekësor.
/rtsh.al/