Ka kaq shumë ishuj në mbarë botën sa askush nuk e di saktësisht sa janë. Ka gjithashtu shumë lloje të ndryshme ishujsh. Në të vërtetë, ishujt vijnë në shumë forma dhe madhësi. Ka ishuj që janë aq të vegjël sa nuk kanë as emra. Ka edhe ishuj që janë aq të mëdhenj sa mund të vendosni disa vende në to. Në fakt, disa ishuj të mëdhenj përmbajnë dy ose më shumë vende. Këtu janë 10 ishujt më të mëdhenj në botë për nga sipërfaqja tokësore.
Ellesmere (Kanada)
Kanadaja është vendi i dytë më i madh në botë dhe ka disa nga ishujt më të mëdhenj në botë. Ishulli Ellesmere ka një sipërfaqe prej 196,235 kilometra katrorë. A e dini sa njerëz jetojnë atje? Vetëm 146 banore.
Victoria (Kanada)
Një tjetër ishull kanadez, Ishulli Victoria është 212,918 kilometra katrorë i madh. Vetëm 1707 njerëz jetojnë atje.
Honsu (Japoni)
Me sipërfaqen e tij prej 227,414 kilometrash katrorë, ishulli më i madh në Japoni renditet i teti në renditje. 130 milionë njerëz jetojnë në ishullin Honshu!
Britania e Madhe
Është ishulli më i madh në Evropë dhe ishulli i shtatë më i madh në botë. Britania e Madhe ka 229,850 kilometra katrorë sipërfaqe dhe përfshin, përveç Anglisë, edhe Skocinë dhe Uellsin. Aty jetojnë 64 milionë njerëz.
Sumatra (Indonezi)
Ishulli indonezian i Sumatrës ka një sipërfaqe prej 420,000 kilometrash katrorë dhe përshkohet nga vargmalet e maleve Barisan, përgjatë të cilit ka shumë vullkane ende aktive.
Baffin (Kanada)
Është ishulli më i madh në Kanada dhe është 476,065 kilometra katrorë i gjerë. Ishulli është i banuar nga vetëm 11 mijë banorë.
Madagaskar
Madagaskari ndodhet në Oqeanin Indian dhe është ishulli më i madh në Afrikë. Në këtë ishull ndodhen 5% e të gjitha kafshëve në botë. Madagaskari ka 587,000 kilometra katrorë.
Borneo
Është 743,107 kilometra katrorë e gjerë dhe është e ndarë midis tre kombeve Indonezisë, Malajzisë dhe shtetit të Bruneit.
Guinea e Re
Guinea e Re është ishulli më i madh në Oqeanin Paqësor në hemisferën jugore. Ajo është e ndarë midis kombeve të Papua Guinesë së Re dhe Indonezisë. Guinea e Re quhet edhe ishulli i fluturave për numrin e madh të llojeve të ndryshme të këtij insekti të bukur. Në këtë ishull prej 785,000 kilometra katrorë, ka 735 lloje fluturash.
Grenlandë (Danimarkë)
Ishulli më i madh në botë është Grenlanda. Ishulli gjigant prej 2,175,600 kilometra katrorë është pjesë e Mbretërisë së Bashkuar të Danimarkës, e cila nga ana e saj ka vetëm 49 mijë kilometra katrorë. E gjithë Grenlanda ka vetëm 56,000 banorë.
/rtsh.al/
