Qeveria, nëpërmjet një urdhri, ka vendosur ta përcaktojë “Lijën e Majmunit”, si një sëmundje infektive. Ministria e Shëndetësisë ka marrë sot vendimin, që këtë sëmundje ta shtojë në listën e sëmundjeve infektive. Në vendin tonë, sipas të dhënave zyrtare, deri tani nuk është regjistruar asnjë rast me “Lijën e Majmunit”.
Ministria e Shëndetësisë, bën të ditur se ka marrë masa, duke pajisur Institutin e Shëndetit Publik me teste për identifikimin dhe diagnostikimin e “Lijës së Majmunit”. Sipas Qendrës Evropiane për Kontrollin e Sëmundjeve, Shqipëria vlerësohet me risk të ulët sa i përket “Lijës së Majmunit”.
/rtsh.al/