Presidenti i SHBA-së, Donald Trump thotë se Rusia do të përballet me “nivele të larta taksash, tarifash dhe sanksionesh” nëse presidenti Vladimir Putin nuk i jep fund luftës në Ukrainë.
Trump e fillon postimin në platformën e tij "Truth Social" duke shprehur "dashurinë" e tij për popullin rus dhe "marrëdhënien e tij të mirë" me Putinin, dhe më pas lëshon një paralajmërim të drejtpërdrejtë për "STOP kësaj lufte qesharake!"
Ai shkruan: "VETËM DO TË PËRKËSOHET. Nëse nuk bëjmë një "marrëveshje" dhe së shpejti, nuk kam zgjidhje tjetër, veçse të vendos nivele të larta taksash, tarifash dhe sanksionesh, për çdo gjë që shet Rusia në Shtetet e Bashkuara dhe vende të tjera pjesëmarrëse”.
"Është koha për të 'BËRË NJË MARRËVESHJE'. NUK DUHET TË HUMBEN MË JETË," shton ai.
Rusia është tashmë vendi më i sanksionuar në botë dhe ka shumë pak entitete apo sektorë kyç që nuk janë tashmë subjekt i kufizimeve të SHBA-së dhe Evropës. Bankat ruse dhe ndërmarrjet ushtarako-industriale janë përshtatur dhe kanë gjetur zgjidhje për t'iu shmangur sanksioneve ekzistuese.
Çfarë ka thënë më parë Trump për përfundimin e luftës Rusi-Ukrainë?
Presidenti Donald Trump ka bërë më parë një sërë komentesh në lidhje me përfundimin e luftës Rusi-Ukrainë, nga sugjerimi se ai mund ta "zgjidhte" atë përpara se të merrte detyrën, deri te ai që mund t'i jepte fund konfliktit brenda "një dite".
Në vitin 2023, Trump i tha CNN: "Nëse unë jam president, do ta bëj që lufta të zgjidhet brenda një dite, 24 orësh". Është një pretendim që ai e përsëriti disa herë.
Duke folur gjatë debatit zgjedhor me Kamala Harris, Trump tha: "Kjo është një luftë që po vdes për t'u zgjidhur. Unë do ta zgjidh para se të bëhem president. Nëse fitoj, kur të jem president i zgjedhur e dini se çfarë do të bëj? Ajo që do të bëj është të flas me njërin, do të flas me tjetrin, do t'i mbledh."
Dhe Trump anashkaloi pyetjet nëse ai donte që Ukraina të dilte fituese në konflikt.
Si kujtesë, Rusia filloi një pushtim të plotë të Ukrainës në shkurt 2022.
Trump nuk ka përcaktuar plane për mbështetjen e vazhdueshme ushtarake të SHBA-së për Ukrainën, edhe pse ai ka folur shpesh për nevojën për t'i dhënë fund konfliktit shpejt dhe është ankuar për koston financiare për SHBA-në.
Ai ka sugjeruar se Ukraina mund të marrë më pak mbështetje nën presidencën e tij dhe e ka përshkruar presidentin ukrainas Volodymyr Zelensky - të cilin e takoi shtatorin e kaluar - si "shitësin më të madh në Tokë" për vazhdimin e marrjes së ndihmës ushtarake, por në raste të tjera ai ka thënë se ata kanë një marrëdhënie të mira. BBC
/rtsh.al/
