Papa Françesku, në fjalën e tij gjatë Lutjes Engjëlli i Zotit në Vatikan, ka komentuar edhe për lumturimin e dy martirëve në Shkodër, Dom Gjon Gazulli dhe Atë Luigj Paliq.
Papa, në fjalën e tij, u shpreh se shembulli i këtyre martirëve, duhet të forcojë çdo krishter që persekutohet për fenë.
“Të dashur vëllezër dhe motra! Dje në Shkodër janë shpallur të lumturuar dy martirë Luigi Palia, meshtar i Urdhrit të Fretërve Minore dhe Dom Gjon Gazulli, meshatar dioqezan. Viktima të persekutimit fetar të shekullit të XX. Shembulli i këtyre martirëve forcoftë çdo të krishterë që në kohën e sotme janë të persekutuar për fenë”, theksoi Papa.
Lumturimi
E shtuna e 16 nëntorit ishte një ditë historike për Kishën Katolike Shqiptare dhe besimtarët e krishterë në Shqipëri dhe Kosovë, pasi dy klerikët, Dom Gjon Gazulli dhe At Luigj Paliq, u shpallen martirë.
At Luigj Palaj, Paliq prift shqiptar nga Janjeva e Kosovës i vrarë nga ushtarët malazez dhe Don Gjon Gazulli, i varur në Shkodër, njëri françeskan dhe tjetri dioqezian, u shpallën martirë duke e çuar në 40 numrin e martirëve shqiptarë.
Mesha e Shenjtë u mbajt nën drejtimin e të dërguarit të posaçëm të Papa Franceskut, eminenca e tij Prefekti i Dikasterit vatikanas për Çështjet e Shenjtorëve, kardinali Marcello Semeraro
Meshën për lumnimin e dy martirëve, njëri françeskan dhe tjetri dioqezian e udhëhoqi i deleguari i Papa Françeskut eminenca e tij Prefekti i Dikasterit vatikanas për Çështjet e Shenjtorëve, kardinali Marcello Semeraro.
Arqipeshkëvi i Shkodrës, monsinjor Angelo Massafra në meshën e lumnimit të dy martirëve tha se Luigji Paliq dhe Gjon Gazulli dhanë jetën për fe e atdhe.
Nga ana tjetër, Kardinali shqiptar i Nderit i Vatikanit, Ernest Troshani dhe arqipeshkvi i Kosovës, Dodë Gjergji, u shprehën se shpallja të lumë e dy martirëve është një nder.
Të pranishëm ishin edhe qindra besimtarë nga Shqipëria, Kosova, Mali i Zi, Kroacia, drejtues të politikës në Shqipëri dhe përfaqësues të trupave diplomatike të Rajonit. Ndërkohë, me qindra besimtarë të tjerë qëndruan në mjediset e jashtme të Katedrales duke ndjekur meshën e shenjtë.
/rtsh.al/
