Në Portin e Durrësit ka nisur nga sot (4 tetor) zhdoganimi për mallrat me destinacion Kosovën. Lajmi është bërë me dije nga kryeministri Edi Rama nëpërmjet një postimi në Facebook, ku shkruan se deti ynë është edhe i Kosovës tashmë jo vetëm për turizëm, por edhe për tregti.
“Jena1! Ja ku ka nisur edhe zhdoganimi në Portin e Durrësit për mallrat me destinacion Kosovën dhe deti ynë nuk është më edhe i Kosovës veç për turizëm, po është edhe i Kosovës për tregti”, shkruan Rama.
Zhdoganimi i mallrave në portet e Durrësit i mundëson ekonomisë së Kosovës që të ketë qasje në det, duke lehtësuar depërtimin e bizneseve vendore në tregjet ndërkombëtare. Dogana e Kosovës është vendosur në portin e Durrësit që nga viti 2019, zhdoganoheshin vetëm maunet dhe karburantet. Mmarrëveshja për analizimin e bashkimit të mundshëm doganor u nënshkrua në mbledhjen e fundit mes dy Qeverive.
/rtsh.al/
