NATO deklaroi se kishte regjistruar një numër jashtëzakonisht të lartë fluturimesh të avionëve ushtarakë rusë pranë territorit të saj.
“Bombarduesit e NATO-s u kryen 10 fluturime të hënën, më 29 mars 2021, për të ndjekur bombarduesit dhe luftëtarët rusë gjatë një kulmi të pazakontë fluturimesh mbi Atlantikun e Veriut, Detin e Veriut, Detin e Zi dhe detin Baltik”, tha NATO në një deklaratë.
“Avionët e NATO-s interceptuan gjashtë grupe të ndryshme të avionëve ushtarakë rusë pranë hapësirës ajrore të Aleancës në më pak se gjashtë orë”, shtoi ajo.
”Avioni rus i identifikuar përfshinte bombardues supersonik Tupolev Tu-160 Blackjack dhe bombardues me rreze të gjatë Tupolev Tu-95”, sipas aleancës.
Pilotët nga Norvegjia, Britania e Madhe, Belgjika, Turqia, Rumania, Bullgaria dhe Italia kryen manovra përgjimi.
“Ruajtja e integritetit të hapësirës ajrore të anëtarëve të Aleancës është një detyrë në kohë paqeje që kontribuon në mbrojtjen kolektive të NATO-s”, shtoi Alenaca.
Deklarata theksoi, megjithatë, se “avionët ushtarakë rusë shpesh nuk transmetojnë një kod transponderi që tregon pozicionin dhe lartësinë e tyre, nuk paraqesin një plan fluturimi ose nuk komunikojnë me kontrollorët e trafikut ajror, duke përfaqësuar një rrezik të mundshëm për avionët civilë” .