Përfaqësues të kompanisë më të madhe të gazit në Azerbaijan SOCAR dhe drejtues të kompanisë shqiptare të gazit ALBGAZ, kanë vizituar Korçën, duken hedhur hapat e parë drejt konkretizimit të projektit më të madh për qytetin gazifikimin e tij.
Sikursje njofton në rrjetet sociale kreu i bashkisë Sotiraq File, ata kanë zhvilluar një sërë takimesh konsultative me përfaqësues të shoqërisë civile, biznese, policinë dhe industritë që operojnë në Bashkinë Korçë. "Jam i lumtur që ky projekt shumë i rëndësishëm dhe i shumëpritur për Korçën po ecën me hapa kaq të shpejtë duke e zgjidhur përfundimisht problemin e ngrohjes për banorët dhe duke sjellë mundësi të shkëlqyera për industrinë, investitorët, punësimin dhe mbrojtjen e pyjeve" shkruan zoti File.
Korça është qyteti i parë në zbatimin e projektit për gazifikimin e Shqipërisë. Pas saj projekti do të vazhdojë në Fier.
Autoritetet shqiptare thonë se viti 2023 do të jetë vit i rëndësishëm në nisjen e projekteve energjitike. "Pavarësia energjitike është shumë e rëndësishme. Shqipëria ka një detyrim ndaj qytetarëve, që të ofrojë mburojë energjitike dhe siguri. Do synojmë të bëhemi lider energjitik i rajonit", tha pak kohë më parë zëvendëskryeministrja dhe ministrja e energjisë dhe infrastrukturës Belinda Balluku.
/ rtsh.al /