FBI deklaroi të martën se kërcënimet me bomba në qendrat e votimit në disa shtete duket se kanë origjinën nga domenet ruse të postës elektronike, sipas CNN.
FBI vuri në dukje se asnjë nuk ishte përcaktuar të ishte kërcënim i besueshëm.
“FBI është në dijeni të kërcënimeve me bomba në qendrat e votimit në disa shtete, shumë prej të cilave duket se kanë origjinën nga domenet ruse të postës elektronike. Asnjë nga kërcënimet nuk është përcaktuar të jetë i besueshëm deri më tani”, thuhet në deklaratën e agjencisë.
CNN raportoi më herët se zyrtarët e inteligjencës amerikane po shqyrtojnë një llogari emaili duke përdorur një domen rus të internetit si burim i mundshëm i kërcënimeve me bombë, jo të besueshme të bëra në ditën e zgjedhjeve në Xhorxhia.
/ rtsh.al /
