Në një lidhje me Skype për emisionin “Jetë shqiptare”, Kreu i FSHF-së, Armand Duka u shpreh i gatshëm për bashkëpunime me Radio Televizionin Shqiptar gjatë 2024-ës, sipas tij për të krijuar atmosferën pozitive të futbollit.
“Ne jemi të hapur për bashkëpunim, jo vetëm me RTSH, por me të gjithë faktorët apo aktorët e tjera për të krijuar atmosferën pozitive të futbollit”, u shpreh Duka.
Kreu i FSHF-së, ka pohuar shifrat e fitimit të futbollit, të shpërndara në rrjete sociale.
“Ekipet vetëm pjesëmarrëse në EURO fitojnë 9.25 milion euro secili, ndërsa për rezultate gjatë kampionatit ka premium 500 mijë euro për barazim dhe 1 milion euro për çdo fitore” deklaroi Duka.
Kreu i FSHF-së, Armand Duka u zgjodh në shtator zv.president i UEFA-s, duke u bërë i pari shqiptar që arrin një pozicion kaq të lartë në hierarkinë e futbollit europian.
/rtsh.al/
