Sipas një studimi, njerëzit depresivë hanë ndryshe nga ata të shëndetshmit. Kjo njohuri mund të japë impulse për forma të reja terapie. Sepse deri tani tema e të ushqyerit nuk ka luajtur rol në trajtimin e depresioneve.
Rreth 280 milionë njerëz në mbarë botën vuajnë nga depresioni. Ndonëse depresionin nuk është i njëjtë për të gjithë, të gjithë pacientët e prekur prej tij me sa duket kanë një gjë të përbashkët: urinë për karbohidrate. Këtë e kanë zbuluar gjatë një hulumtumi studuesit në klinikën universitare të Bonit dhe Tybingenit në Gjermani.
Nëse pacientët janë trajtuar me anti-depresivë ose jo, nuk ka pasur dallime të dukeshme, thotë Nils Kroemer, i cili ka studiuar në të dyja klinikat universitare në fushën e psikiatrisë, psikologjisë dhe psikoterapisë.
Deri tani mendohej, se nepsi për ushqime me karbohidrate kishte të bënte me rritjen e urisë, që shoqëron disa sëmundje depresive.
"Ne mundëm të tregojmë tani, se nuk është kështu. Faktikisht uria për karbohidrate ka të bëjë më shumë me depresionin e përgjithshëm të rëndë, veçanërisht me simptomat e frikës", shpjegon Lilly Thurn, e cila ka drejtuar studimin në ekipin e Kroemer.
Nga karbohidratet trupi ynë mund të prodhojë më shpejt energji, që janë furnizueset kryesore të qelizave tona.
Nën depresion mikrobioma e zorrës ndryshon
Arsyen përse njerëzit me depresion kanë kryesisht urinë për karbohidrate, Nils Kroemer e konstaton atë në zorrë. Këtu mund të jenë zhvilluar ndryshimet në sistemin e tretjes. Po ashtu, mund të jetë dëmtuar përçimi i informacioneve nga aparati stomak-zorrë në tru nëpërmjet nervit vagus, thotë Kroemer.
Shumë studime tregojnë, se tek njerëzit depresivë, mikrobioma e zorrës është e ndryshme dhe se këto ndryshime janë pjesë e simptomave të depresionit. Është konstatuar, se simptomat përmirësohen, nëse pacientët marrin ushqime me probiotikë.
A duhet që njerëzit me depresion të heqin dorë prej ëmbëlsirave dhe karbohidrateve?
Jo, thotë Kroemer.
"Ne e dimë nga hulutimet e mëparshme, që nuk premton sukses heqja dorë e personave me depresion nga karbohidratet." Kjo sepse: "Nuk është ushqimi me ëmbëlsira që shkakton depresionin. Por kur je me depresion ndryshojnë preferencat", thekson studiuesi.
Megjithatë është e kuptueshme, që këto ndryshime, të paktën pjesërisht, shfaqen, nëse ne ushqehemi në mënyrë të pashëndetshme për një kohë të gjatë.
Mbetet të sqarohet se: "Cili është shkaku dhe pasoja?", thotë Kroemer. "A ka të bëjë ushqimi, që në kohë afatgjatë shkakton një gjendje të keqe psiqike? Apo është gjendja psiqike shkaktare për përkeqësimin e të ushqyerit – dhe ajo shkakton pastaj ndryshimet në mikrobiomë?"
Për studiuesit është e qartë se:
"Ne duhet të fokusohemi më intensivisht tek tretja në trajtimin e depresioneve dhe çrregullimeve nga frika.", shkruan DW.
Deri tani kjo nuk është bërë në Gjermani. Në direktivat kombëtare për temën e depresionit thuhet: "Pacientet dhe pacientët me çrregullime depresioni duhet të inkurajohen që të ushqehen me kujdes dhe shëndetshëm."
Ndonëse në këto direktiva përshkruhet edhe, që: "Rezultatet e studimeve tregojnë për rolin e aksit mikrobiomë-zorrë-tru dhe që mikrobioma e pacientëve me depresion dallon nga ajo e personave të shëndetshëm." Por për mjekët terapistë nuk jepet një rekomandim, që të analizohet enkas flora e zorrës tek të sëmurët me depresion. Deri tani ka shumë pak prova, që kjo ndihmon vërtetë.
Por drejtuesja e studimit, Lilly Thurn i konsideron të arsyeshme mënyrat e reja të trajtimit. "Veçanërisht premtuese duhet të jenë në të ardhmen terapitë, që synojnë trajtimin e lidhur mes zorrës dhe trurit."
Ndërsa Nils Kroemer thekson: "Ndryshimet në ushqim dhe tretje nuk duhet të konsiderohen si probleme dytësore."
