Pas më shumë se tre orë kërkimesh dhe negociatash për dorëzim, policia e Shkodrës ka mundur të arrestojë Lul Rakajn, i cili mëngjesin e 15 shtatorit ka plagosur më armë zjarri dy persona.
Pas plagosjes së Besmir Qofit dhe Avenir Hasanajt në hyrje të një lokali në fshatin Vrakë, autori u largua nga vendi i ngjarjes së bashku me armën e zjarri dhe ishte fshehur në zonën e ballkonit të Tamarës.
Policia e Shkodër dhe dy grupe të Forcave RENEA bënë të mundur neutralizimin dhe kapjen e autorit.
Ndërkohë Shërbimet e Policisë Kufitare morën masa për bllokimin e kufirit me qëllim mos lejimin e largimit drejt Malit të Zi të tij.
Autori nuk i’u përgjigj thirrjes për dorëzim, por tentoi disa herë që të dilte nga rrethimi duke përfituar edhe nga koha e keqe me reshje shiu dhe nga zona e pyllëzuar, por nuk ka mundur dot të largohet dhe pas disa minutash në rrethim është kapur e vënë në pranga.
Shërbimet e Policisë po vijojnë kontrollin e zonës për të gjetur armën e zjarrit, ku autori e ka fshehur pas rrethimit nga policia.
Ndërkohë grupi hetimor nën drejtimin e Prokurorisë vijon punën për dokumentimin ligjor të këtij kësaj ngjarje.
/rtsh.al/
