Shqipëria turistike vijon të bëjë jehonë në mediat ndërkombëtare si një destinacion që duhet të vizitohet këtë verë. “The Sun” i sugjeron britanikëve që të zgjedhin Shqipërinë për të pushuar këtë verë, si një destinacion më të afërt dhe me çmime shumë më të lira se Maldivet.
Artikulli i plotë:
Britanikët e mërzitur nga fluturimet e gjata dhe të shtrenjta për në Maldive mund të kenë një zgjidhje shumë më afër shtëpisë.
Vetëm tre orë nga Britania e Madhe, mund të gjenden “kasollet” mbi ujë të stilit Maldive dhe që mund të rezervohen nga 8 paund në ditë. Shezlonget mbi ujë gjenden në një plazh me rërë në Shqipëri dhe jo në mes të Oqeanit Indian.
Shqipëria mund të mos jetë vendi i parë në mendje për britanikët kur mendojnë për një destinacion pushimi, por riviera e saj ka fituar fansa për shkak të plazheve të bukura dhe kohës së shkurtër për të mbërritur atje.
Plazhi i mrekullueshëm i stilit Maldive në fjalë është Pema E Thatë, një plazh privat që ka akses në ujërat e mahnitshme blu të vendit.
Fluturimet për në Shqipëri nuk janë vetëm më të shpejta se fluturimet për në Maldive, por janë edhe më të shpejta se në Kanarie, pasi duhen vetëm tre orë për të fluturuar deri atje.
Fluturimet direkte janë zakonisht të lira, duke filluar nga rreth 60 paund. Dhe për ta bërë atë vend edhe më të mirë, gjithçka është e lirë kur jeni atje. Për shembull, një gotë verë do t'ju kushtojë 1,70 paund.
Në plazhin e Pema E Thatë ka kasolle që mund të merrni me qira për një ditë për vetëm 1000 LEK (8,06 paund).
Ka edhe një restorant, bar, shëtitore dhe plazh me rërë me shezllone. Nga plazhi, ju mund të shihni edhe ishullin grek të Korfuzit.
Ka tragete direkte për në Korfuz nga Saranda nëse dëshironi të vizitoni edhe ishullin.
Nëse dëshironi një udhëtim në Rivierën Shqiptare, ka disa plazhe të tjera për të provuar.
Pjesa më veriore e Rivierës është Vlora, të cilën shumica e njerëzve do ta vizitojnë përpara se të zbresin më në jug.
Ka qindra prona për t'u marrë me qira në Vlorë dhe dhomat fillojnë nga vetëm 20 paund për natë, perfekte për një pushim me buxhet të ulët.
Më në jug të vijës bregdetare është Dhërmiu, një nga plazhet më të mëdhenj dhe më të famshëm, kështu që nuk do të mundoheni të gjeni një vend.
Dhe në pjesën jugore të Rivierës është Ksamili.
Nëse preferoni të qëndroni në këtë zonë, dhomat janë pak më të shtrenjta, duke filluar nga 32 paund për natë.
Sipas Skyscanner, prenotimet për në Shqipëri janë rritur me 96 për qind krahasuar me vitin 2019 dhe kjo pritet të vazhdojë të rritet.
Dhe Tirana, kryeqyteti i Shqipërisë, kryesoi listën e qyteteve më të lira në vitin 2021.
/rtsh.al/
