Në përvjetorin e përfundimit të Luftës së Dytë Botërore në Evropë, presidenti ukrainas Volodymyr Zelensky e krahasoi mbrojtjen aktuale të vendit të tij kundër një pushtimi rus me përpjekjet e Ukrainës për të mposhtur Gjermaninë naziste.
“Tetëdhjetë vjet më parë, miliona ukrainas luftuan për të mposhtur nazizmin përgjithmonë”, tha ai në një video-mesazh të regjistruar gjatë vizitës së tij të mërkurën në qytetin Yahidne në rajonin verior të Ukrainës Chernihiv, skena e një krimi të dyshuar lufte rus në vitin 2022.
”Por, sot ukrainasit kundërshtojnë edhe një herë të keqen që ka rilindur, është kthyer dhe dëshiron të na shkatërrojë përsëri”, theksoi ai.
Në mars 2022, pushtimi rus i Yahidne mbylli më shumë se 350 fshatarë, përfshirë 80 fëmijë, në bodrumin e shkollës për javë të tëra.
Rasti është i dokumentuar jo vetëm nga ukrainasit, por edhe nga mediat ndërkombëtare. Zelensky tha se 10 persona vdiqën në këtë izolim dhe 17 të tjerë u vranë.
Për të, ngjarjet tregojnë se si është Rusia nën presidentin e saj, Vladimir Putin.
“Nëse ky nuk është nazizëm, çfarë është?” pyeti Zelensky.
/ rtsh. al /
