KLP vendosi sot (10 maj) të rikthejë në detyrë prokuroren Antoneta Sevdari. Vendimi vjen pasi atij të Gjykatës së Strasburgut që evidentoi shkelje në vendimin e shkarkimit të saj.
Kjo është hera e parë që nga nisja e Reformës në Drejtësi që një prokurore kthehet pas dy shkarkimesh nga vetingu.
Antoneta Sevdari u konfirmua në detyrë 6 vjet më parë për shkak se ishte në listën prioritare të njerëzve që do të formonin Këshillin e Lartë të Prokurorisë. Por karriera e saj asokohe do të ndërpritej 7 muaj më vonë, kur në 28 shkurt 2019 me kërkesë të Komisionerit Publik, Sevdari, pas një hetimi të ri në shkallën e dytë të vettingut, u shkarkua.
Që prej asaj kohe Sevdari ka kaluar përmes një kalvari të gjatë në institucionet e vetingut, ndërsa korri një fitore në mars të vitit të kaluar kur Gjykata Evropiane e të drejtave të Njeriut deklaroi se shkarkimi i saj ishte joproporcional për shkak të një gabimi të izoluar profesional dhe për shkak të mospagimit të tatimeve nga bashkëshorti i saj për një pjesë të vogël të të ardhurave të tij.
/rtsh.al/
