"Të gjithë për një dhe një për të gjithë" sepse ajo që ishte e vërtetë për musketierët është e vërtetë edhe për shtetet e NATO-s.
Kjo ishte deklarata e kancelarit gjerman, Olaf Scholz për gazetarët, të mërkurën para takimit me presidentin finlandez, Alexander Stubb.
”Ne kemi detyrime ndaj njëri-tjetrit dhe ofrojmë mbrojtje dhe mbështetje të ndërsjellë”, theksoi Scholz duke sjellë frazën e romanit ”Tre musketierët’’ të autorit francez, Alexandre Dumas.
“E sqarova presidentin finlandez Stubb gjatë vizitës sime në Baltik dhe e ritheksoj edhe sot këtu, se ne do të mbrojmë çdo centimetër katror të territorit të Aleancës”, theksoi Scholz.
“Jam shumë i lumtur që Finlanda është anëtare e NATO-s që nga viti i kaluar. Anëtarësimi forcon Finlandën, forcon Skandinavinë dhe forcon sigurinë tonë të përbashkët në Evropë”, theksoi Scholz.
/ rtsh.al /