SPAK ka paraqitur në Gjykatën e Posaçme kërkesën për konfiskimin e pasurive të Flamur Sinanajt dhe personave të lidhur me të.
Sinanaj është dënuar në 2010 nga Gjykata e Shkallës së Parë të Rrethit Gjyqësor me 8 vite burg për trafik të lëndëve narkotike, mashtrim dhe dalsifikim dokumentesh, si pjesë e një organizate kriminale.
Pas shqyrtimit gjyqësor, Gjykata e Posaçme vendosi konfiskimin dhekalimin në favor të shtetit të pasurive me vlerë gati 1 milionë euro të Sinanajt.
Në këtë kuadër, u vendos konsfiskimi i pasurive të luajtshme dhe paluajtshme, si më poshtë:
Apartament me sipërfaqe 76.5 m2, me adresë rruga “Muhamet Gjollesha”, Tiranë, blerë sipas kontratës së shitjes, në vlerën prej 70.000 Euro;
Njësi me sipërfaqe 163 m2, me adresë rruga “Muhamet Gjollesha”, Tiranë, përfituar sipas kontratës së shitjes, në vlerën prej 280.000 Euro;
Pasuria e llojit apartament, me sipërfaqe 123 m2, në Rrugën “Reshit Petrela”, Tiranë, blerë sipas kontratës së shitjes, në vlerën prej 15.990.000 Lekë;
7 (shtatë) llogari bankare në banka të nivelit të dytë në një shumë totale prej 660 854 Euro;
3 (tre) llogari bankare në banka të nivelit të dytë në një shumë totale prej 7.574.664 Lekë;
Motorr Uji “Yamaha”, tipi motor Deti “Jetski”, viti i prodhimit 2016;
Varkë Vetorizine e përdorur “Yamaha 242X Limited USA”, viti i prodhimit 2017, me gjatësi 7.45 m;
Automjet, marka “GMC”, modeli SIERRA SLT, tipi Kamion, viti i prodhimit 2011;
Automjet, marka “Mercedes Benz”, modeli B180CDI, tipi 146, viti i prodhimit 2012.