Partia opozitare maqedonase VMRNO-DPMNE ka filluar të kërkojnë një partner për koalicionin qeverisës pasi votuesit i dhanë fund shtatë viteve drejtim nga Lëvizja Social Demokrate LSDM dhe partnerët e saj.
Në parlamentin me 120 deputetë, VMRO-DPMNE ka marrë 59 vende, ndërsa LSDM vetëm 18 të tilla.
Duke cilësuar si historike fitoren e forcës që ai drejton, Hristjian Mickoski dha arsyet që cuan në këtë rezultat. "Qeveria ra dhe ka një arsye për këtë. Krimi, korrupsioni, paaftësia, vlerat e rreme, shteti i kapur, tenderat, nepotizmi dhe një qind arsye të tjera që e bënë shtetin të vuajë dhe popullin të zhgënjehet. Në këto zgjedhje u mposhtën tradhtitë dhe përçarjet. Ata 100 personat nga Baskmi Demokratik për integrim dhe LSDM që menduan të ishin zotër të fatit tonë janë me dhimbje koke sot" tha Mickoski.
VMRO-DPMNE ka arritur fitore edhe në zgejdhjet presidenciale raundi i dytë i të cilave u mbajt në të njëjtën ditë me ato parlamentare. Kandidatja e mëbshtetur nga kjo forcë Gordana Siljanovska Davkova do të jetë presidentja e re e vendit.
Ndërkaq, ndërsa pranoi humbjen, kreu i LSDM-së Dimitar Kovaçevski u shpreh për ndërmarrjen e përpjekjeve për të gjetur burimin dhe arsyen që çoi në një rezultat kaq të dobët të partisë së tij. "Rezultti është zhgënjues. Një goditje e rëndë për LSDM, jo vetëm nga qytetarët, por edhe mbështetësit e partsë. Në muajt e ardhshëm do të ndërmarrim përpjekje serioze dhe të thella për të gjetur burimin dhe arsyet e kësaj humbejej" tha zoti Kovaçevski.
Shqiptarët ndërkohë kanë shënuar rezultate mbresëlënëse në këto zgjedhje, pasi Bashkimi Demokrat për integrim, deri tani pjesë e koalicionit qeveritar me LSDM-në, ka marrë 19 vende në parlament, dhe koalicioni i partive opozitare shqiptare "Vlen" 13 mandate.
Një shqiptar tjetër që ka arritur të zgjidhet deputet është edhe Fatmir Bytyci, i cili garoi nën siglën e LSDM-së, duke e çuar kështu në 33 numrin e shqiptarëve që do të jenë pjesë e organit ligjvënës të vendit. Këtë të enjte ndërkohë Bytyçi dha dorëheqjen nga posti i nënkryetarit të LSDM-së, duke bërë thirrje që të njëjtin hap ta hedhin edhe udhëheqësit e tjerë të partisë, për t’i hapur rrugë, siç u shpreh ai, rikthimit të besimit të qytetarëve tek kjo forcë.
Gazetare Elda Pepa
/ rtsh.al /
