Fluturimi i drejtpërdrejtë nga Shenzhen në Mexico City, do të vendosë rekordin si fluturimi më i gjatë i rregullt komercial pa ndalesë me origjinë nga Kina.
China Southern Airlines ka bërë me dije se fluturimi do të mbulojë një distancë ndërkontinentale prej rreth 14,147 kilometrash (8,790 milje) në çdo drejtim.
Fluturimi do të niset nga Shenzhen më 11 maj, e do të operojë vetëm të martën dhe të shtunën dhe do të zgjasë 21 orë e 20 minuta.
Rruga pak më e gjatë për në Kinë përfshin një ndalesë të shkurtër të karburantit në Tijuana, gjatë së cilës pasagjerët duhet të qëndrojnë në bord.
Linja e ardhshme kapërcen fluturimin Guangzhou të China Southern Airlines për në Nju Jork, i cili mbulon një distancë prej 12,871 kilometrash, si fluturimi më i largët komercial pa ndalesë që niset nga një aeroport kinez.
Aktualisht, linja 15,332 kilometra nga Singapori në Nju Jork e operuar nga Singapore Airlines pretendon vendin e parë si fluturimi më i gjatë pa ndalesë në botë, i cili zgjat rreth 19 orë në çdo drejtim.
Linja më e re e China Southern Airline do të rrëzojë fluturimin e Singapore Airlines nga Singapor në Los Anxhelos për të zënë vendin e 8-të në listën e fluturimeve më të gjata në botë të përpiluar nga baza e të dhënave analitike të aviacionit OAG.
Vitin e kaluar, Kina rihapi kufijtë e saj për udhëtarët për herë të parë që nga fillimi i pandemisë së koronavirusit.
/rtsh.al/
