Kryetari i Partisë së Lirisë, Ilir Meta ka deklaruar se nuk i druhet arrestimit nga SPAK. Duke folur nga Shkodra, Meta theksoi se përpara Konventës që do të mbahet më 27 prill nuk pret asnjë befasi nga askush, përfshirë edhe SPAK-un.
Meta nuk kurseu as akuzat në drejtim të SPAK-ut dhe ndaj kreut të këtij institucioni, Altin Dumani.
Sipas Metës edhe ndërkombëtarët i janë kundërvënë pas akuzave të tij ndaj Prokurorisë së Posaçme.
Për sa i përket zgjedhjeve të ardhshme parlamentare Meta shtoi është gati të bëjë koalicion me Sali Berishën, ndonëse ky i fundit është shpallur “non grata” nga SHBA-të dhe që prej dhjetorit të vitit të shkuar ndodhet nën masën “arrest shtëpie”.
/rtsh.al/
