Turqia ndërpret të gjitha lidhjet tregtare me Izraelin duke filluar nga sot, e enjte (2 maj).
Më 9 prill, Turqia kishte njoftuar vendosjen e embargos së eksportit ndaj Izraelit për 54 kategori produktesh, si reagim ndaj operacioneve të ushtrisë izraelite në luftën e Gazës.
Katalogu në atë kohë përfshinte lloje të ndryshme produktesh, kryesisht materiale ndërtimi si alumini dhe çeliku, bojëra, kabllo elektrike, materiale ndërtimi, lëndë djegëse dhe lëndë të tjera të para.
Vëllimi i tregtisë midis dy vendeve u regjistrua në 6.8 miliardë dollarë në vitin 2023.
Lajmi u konfirmua nga një postim në platformën X nga ministri i Jashtëm i Izraelit, Israel Katz, duke akuzuar presidentin turk, Recep Tayyip Erdogan, se shkel marrëveshjet duke bllokuar portet për importet dhe eksportet izraelite.
"Kështu sillet një diktator, duke injoruar interesat e popullit dhe biznesmenëve turq dhe duke injoruar marrëveshjet tregtare ndërkombëtare. Izraeli do të shfaqet me një ekonomi të fortë dhe të guximshme. Ne fitojmë dhe ata humbin”, shprehet ministri i Jashtëm izraelit.
/rtsh.al/
