Dy persona janë arrestuar nga Policia e Kurbinit pasi ushtronin veprimtarinë e kundraligjshme të lojërave të fatit.
Sipas bluve, një 34-vjeçar dhe një 41-vjeçar janë kapur duke vënë baste sportive me celular.
“Gjatë kontrolleve të kryera në bazë të informacioneve të marra në rrugë operative, në lokalin në pronësi të shtetasit A. K., u kapën ai dhe 41-vjeçari, duke vënë baste sportive, me celularë. Në cilësinë e provës materiale u sekuestruan 2 celularët e këtyre shtetasve”, thuhet në njoftim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Lezhë.
/rtsh.al/
