Karnavalet e Nartës, tradita e trashëguar ndër breza. Nisin të dielën e Pashkëve dhe vijojnë për tre ditë me radhë deri të martën në mbrëmje. Është një festë tradicionale e fshatit Nartë, e trashëguar në breza. Festimeve i janë bashkuar edhe dhjetëra banorë të Nartës të ardhur nga Greqia apo edhe vende të BE-së për të festuar Pashkët, por edhe karnavalet tre ditore.
Gjithçka zhvillohet në qendër të fshatit ku të rinj e të reja vishen me kostumet tradicionale të zonës duke festuar e kërcyer.
Në festë nuk kanë munguar edhe të huajt të cilët janë surprizuar nga festimet ndërsa i cilësojnë shumë të bukura dhe të veçanta.
Karnavalet në fshatin Nartë nisin të dielën e madhe të Pashkëve ndërsa vijojnë për tre ditë me radhë.
/rtsh/
