Pedagogu Zylyftar Bregu dhe juristja Brisida Gjikondi kanë debatuar midis tyre në studion e emisionit “3D” të Alban Dudushit në RTSH 1 mbi aksionin politik të fundit të Ilir Metës.
Bregu theksoi se Meta ka disa teza politike, ku një prej tyre është objektivi për 4 milionë shqiptarë plus duke pasur si qëllim rikthimin e shqiptarëve në atdhe.
Nga ana e saj, Gjikondi u shpreh se shqiptarët janë larguar jashtë vendit pikërisht për shkak të politikanëve si Ilir Meta.
Debati në studio:
Zylyftar Bregu: Z. Meta ka disa teza politike. A do ta besojnë shqiptarët se ky e ka këtë reflektim real, normal, ky është basti i tij. Por nuk mund të themi që tezat e tij politike nuk qëndrojnë. Janë disa teza, një prej tyre objektivi për 4 milionë shqiptarë plus. Ai ka idenë që t’i kthejë këta shqiptarë.
Brisida Gjikondi: Do kthehen në Shqipëri për Metën. Ju vlerësoj dhe më duket skandaloze të marrësh të mirëqenë që do të kthehen shqiptarët në Shqipëri prej Ilir Metës.
Zyflyftar Bregu: Nuk thashë që e marr të mirëqenë, por ka disa teza politike. Është e drejtë e shqiptarëve ta besojnë ose jo në sinqeritetin e tij.
/rtsh.al/
