Sekretari amerikan i Shtetit, Antony Blinken ka deklaruar se është e qartë se Izraeli është i gatshëm të bëjë "kompromise të mëdha" në mënyrë që të arrijë një marrëveshje armëpushimi dhe lirimin e pengjeve me Hamasin dhe se përgjegjësia për t'u siguruar që ai të realizohet tani është mbi Hamasin.
“Është e qartë se ata do të donin ta shihnin këtë të ndodhë” u shpreh Blinken gazetës.
Për marrëveshjen, ai thotë se “ajo merr një armëpushim të menjëhershëm, merr pengje në shtëpi dhe na jep diçka për të ndërtuar”
I pyetur nëse shansi për një marrëveshje pengjesh mund të shuhet nga kryeministri Benjamin Netanyahu i cili ka thënë se Izraeli do të ecë përpara me ofensivën e tij të afërt në Rafah, qyteti më jugor i Gazës me një popullsi prej më shumë se një milion njerëz gjatë kohës së luftës, Blinken tha se “njerëzit thonë gjëra të ndryshme; le të përqendrohemi në atë që ata po bëjnë, atë që ne po bëjmë.”
“Gjëja më e menjëhershme, gjëja më urgjente është të shohim në ditët në vijim se çfarë është përgjigja e Hamasit ndaj një propozimi shumë të fortë që është në tryezë," vazhdon ai.
“Të gjithë janë dakord se kjo është një marrëveshje e mirë dhe një marrëveshje që do të rezultonte përsëri në një armëpushim të menjëhershëm, të cilin të gjithë e dëshirojnë, dhe kthimin e pengjeve në shtëpi, të cilën të gjithë duhet ta dëshirojnë. Këtu është fokusi.”
I pyetur se çfarë hapash do të ndërmarrë SHBA nëse Izraeli ecën përpara me një operacion në Rafah në vend që të ndjekë një marrëveshje me Hamasin, Blinken thotë se nuk dëshiron të diskutojë "hipotetika për atë që mund të ndodhë".
/rtsh.al/
